ՀՊՏՀ-ի ինստիտուցիոնալ կարողությունների ինքնավերլուծություն

ՀՊՏՀ-ի ռեկտորի 2012 թվականի հոկտեմբերի 5-ի N 173-Ա հրամանով  ձևավորվել է §Հայաստանի պետական տնտեսագիտական համալսարանի ինստիտուցիոնալ կարողությունների ինքնավերլուծություն¦ իրականացնող աշխատանքային խումբը, որը շուրջ մեկ տարի կատարել է ուսումնասիրություններ և կատարած աշխատանքը 2014 թվականի հունվարի 20-ին ՀՊՏՀ-ի ռեկտորի կողմից հաստատվել է:
Ինքնավերլուծությունը հարկավոր է 
«Մասնագիտական կրթության որակի ապահովման ազգային կենտրոն»  հիմնադրամի կողմից իրականացվող պետական հավատարմագրման գործընթացի համար:

Իսկ ի՞նչ է պետական հավատարմագրումը. դա պետության կողմից մասնագիտական ուսումնական հաստատությունների գործունեության, մասնագիտությունների կրթական ծրագրերի իրականացման և որակի ճանաչման գործընթաց է: Հավատարմագրումը տրվում է որոշակի ժամանակահատվածով` երաշխավորելով, որ ուսումնական հաստատությունը կամ կրթական ծրագիրն ունի անհրաժեշտ կարողություն տվյալ ժամանակահատվածում կրթական գործունեություն իրականացնելու համար: Մասնագիտական կրթության հավատարմագրման հիմնական նպատակն է հավաստել ՄՈՒՀ-երին, ուսանողներին, նրանց ծնողներին, գործատուներին և շահագրգիռ հասարակությանը, որ մասնագիտական կրթության որակը ճանաչելի է  պետության կողմից: