Սլովակիան ժամանակավորապես դադարեցրել էր պարտադիր կուտակային վճարները

2004թ. Սլովակիայի Հանրապետությունում ընդունվել է Անհատական Կուտակային օրենքը, որը ուժի մեջ է մտել 2005թ.: Անհատական կուտակային համակարգին պարտադիր մասնակցում են 2005 թվականի հունվարի 1-ից հետո աշխատանքի շուկա նոր մտնող անձիք: Այն անձիք, ովքեր մինչև 2005 թվականի հունվարի 1-ն էին աշխատանքի շուկա մտնել, մինչև 2006 թվականը հունիսի 30-ը կարող էին
կամավոր ընդգրկվել: Սերունդների համերաշխության պետական համակարգը
զուգահեռ շարունակել է գործել:

Սերունդների համերաշխության պետական համակարգի համար յուրաքանչյուր աշխատող վճարում է իր եկամտից 14%, իսկ պարտադիր կուտակայինի համար՝ 9%:

Վճարումներ պարտավոր են անել այն աշխատողները և ինքնազբաղվածները, ովքեր 12 ամսվա կտրվածքով յուրաքանչյուր ամիս 339.8 եվրոյից ավել եկամուտ են վաստակում: Պահումներ չի արվում ամսեկան 3076 եվրոյից ավել եկամտից:

2009 թ. հնարավորություն տրվեց պարտադիր կուտակային համակարգ կամավոր անցում կատարած աշխատողներին վերադառնալ համերաշխության պետական համակարգին, ինչպես նաև 2009-2012 թվականներին աշխատանքային շուկա նոր մտնող աշխատողների համար պարտադիր կուտակային համակարգին մասնակցությունը կամավոր էր:

Տեղեկատվության աղբյուրը՝ Միջազգային սոցիալական ապահովության ասոցիացիայի <<Սոցիալական ապահովության ծրագրերը ողջ աշխարհում>> հետազոտական աշխատանք